Biiroo Daandiiwwanii fi Loojistiksii Oromiyaa baajata Fandii Bulchiinsa Daandii Federaalaa irraaa ramadameen bara bajata 2016 karoora suphaa cimaa, salphaa fi suphaa mala humna namaan waligaala km 7,018.56 hojjatamuuf qabame keessaa hanga  kurmaana 2ffaa bara 2016tti waliigalatti daandiin  km 3,800 ol  suphaa akka argatu ta’ee jira.

Biiroon Daandiiwwanii fi Loojistiksii Oromiyaa dameewwan suphaa godinaalee digdama irraa kan qabu yoo ta’u olmaa har’aatiin raawwii hojii dameewwan kudhanii magaalaa Shaashamanneetti qorachuun kallattii hojii yeroo itti aanuu ka’ee jira.

Raawwii hojii keessatti jijjiirraan gatii meeshaalee suphaa, hanqina konkolaataa, maashinaroota hudhaalee suphaa daandii ta’uun ibsamee jira. Qabeenyi daandii  naannoo Oromiyaa hanga xumura  kurmaana 2ffaa  bara 2016tti km 60,772.64 olitti waan olguddateef    daandiiwwan itti fufiinsaan tajaajila gahaa akka kennu taasisuuf  hojimaata  hirmaachiisaa ta'e diriirsuun qindoominaa fi kutannoon hojjachuun murteessaa ta’uunis ibsamee jira.