Bulchiinsa Mootummaa Naannoo Oromiyaattii

 Biiroo Daandiiwwanii fi Loojistiksii Oromiyaa

 Bulchiinsa Fandii Daandiiwwan Naannoo Oromiyaa

Seensa

Daandiin misooma kamiyyuu keessatti hidda dhiigaa waan ta’eef daandii misoomsuun haaromsa, guddinaa fi dagaagina hawaas-dinagdee biyyaatiif bu’uura ijoo akka ta’e ni beekama.

Kanarraa ka’uun, daandiiwwan  mootummaa naannoo keenyaan baasiin guddaan itti bahee hojjetaman yeroo yeroon suphuu,suphisiisuu,fooyyessuu fi nageenyummaa isaa mirkaneessuun yeroo dheeraaf tajaajila kennuu akka danda’an taasisuun barbaachisaa ta’us; hojiiwwan kanneen humna mootummaa qofaan raawwachuun kan hin danda’amne waan ta’eef fandii daandii hundeessuun madda faayinaansii dhaabbataa akka qabaatuuf Labsii Lakk.224/2012, Dambii  labsichaa Lakk.223/2013 fi qajeelfama lakk.01/2014 Fandii Daandiiwwan Naanno Oromiyaa bahuun isaa ni yaadatama.

(Labsii 224/2012,Dambii 223/2013,Qajeelfama 01/2014 fi Manuwaalii bara 2014 )

           1.Fandii Daandii Jechuun Maal Jechuudhaa?

Fandii daandii jechuun madda faayinaansii dhaabbataa daandiiwwan cirrachaa naannichaa suphuu,suphisiisuu,fooyyessuu fi nageenyummaa isaanii mirkaneessuuf kan  oolu dha.

          2. Fandii Daandii Hundeessuun Maaliif Barbaachisee?

Daandiiwwan Mootummaa Naannichaatiin baasiin guddaan itti bahee hojjetaman yeroo yeroon suphuu,suphisiisuu, fooyyessuu fi nageenyummaa isaanii mirkaneessuun yeroo dheeraaf tajaajila kennuu akka danda’an taasisuun barbaachisaa ta’us; hojiiwwan kanneen humna mootummaa qofaan raawwachuun kan hin danda’amne waan ta’eef fandii daandii hundeessuun maddi faayinaansii dhaabbataan hojiiwwan kanaaf oolu akka jiraatu taasisuun barbaachisaa ta’ee jira.

        3.Kaayyoon Fandichaa Maalii?

1. Daandiiwwan cirrachaa naannichaa suphuu,suphisiisuu,fooyyessuu, bulchuu fi  nageenyummaa isaanii mirkaneessuuf baasiiwwan barbaachisan uwwisuudha.

       4.Daangaan Raawwatinsaa Fandichaa Hangamii?

1. Labsiin kun daandiiwwan cirrachaa hojjatamanii ijaarsi isaanii xumuramee wal-harkaa fuudhinsi raawwatamee fi supha riqaalee daandiiwwan kanaarratti argaman irratti raawwatiinsa ni qabaata.

      5. Maddi Galii Fandichaa Maalii? Labsii 224/2012 keewwata7(1-7),Dambii 223/2013 keewwata 5-10

            5.1.Baajata kaappitaalaa Mootummaan rammadamu; Mootummaan naannichaa baajata pirojektii kaappitaalaa bara baajatichaa keessatti BDLO tiif qabamu keessaa  %20 gadi kan hin   

                  taane fandichaaf ni rammada

            5.2.Galii oomisha  qonnaa  gabaa  biyya keessaa fi biyya alaatiif  dhiyaatu   irraa  argarnu,

             5.3. Galii oomisha  albuuda  irraa  argamu dambii,

             5.4.Galii gurgurtaa   oomisha   bosonaa  irraa  argamu,

             5.5.Galii dhimmoota  geejjibaan  waliin wal-qabatan    irraa  argarnu fi

             5.6. Galii  hirmaannaa   umrnataa  fi kennaawwan  adda addaa  irraa  argamu.

    6. Fandiin Kun Akkamiin Sassaabamaa?Baankii Kamitti Galaa?Labsii 224/2012 keewwata-8(1-3)

• Galiin Fandichaa kan sassaabamu nagahee seektaroonni galii sassaaban koodii 5615 hayyama Biiroo Maallaqaa Oromiyaatiin maxxansiisuudhaan kan sassaaban ta’a.
• Baankii lakkoofsa herrega addaa Fandichaa gaaffii BDLOtiin Biiroo Maallaqaa  Oromiyaatiin kan banamu ta’a.

    7.Galii Kana Eenyutuu Sassaabaa? Labsii 224/2012 keewwata-9(1-9) fi Dambii keewwata-6-10

        A. Biiroo Maallaqaa Oromiyaa-Baajata kaappitaala BDLO fi Caasaa isaa tiif waggaan rammadamu irraa 20% bajata qabuun,

        B. Biiroo Galiiwwanii Oromiyaa fi Caasaa isaa:-

• Galii Oomisha Qonnaa Gabaa Biyya keessaa fi Biyyaalaatiif dhiyaatu irraa,
• Galii Oomisha albuudaa irraa argamuu fi
•  Kaffaltii Qonnaan bulaa Adda duree-200, G/Galessa-150 fi H/Qaleeyyii-50 waggatti al tokko qofa.

      C.Ejjensii Geejjibaa Oromiyaa fi Caasaa isaa:-

• Galii dhimmota geejjibaa waliin walqabatan irraa,

     D.Abbaa Taayitaa Eegumsa Naannoo fi Caasaa isaa fi DHBBBO:

• Gurgurtaa bu’aa bosonaa irra argamu(royalit).

    E.BDLO fi Caasaa isaa kennawwan adda addaa irra sassaabamu, dambii kwt-10(1).

    F.Kaffaltii Taarifa Daandii SWGDB irraa labsii kwt 7(2)(d) fi qajeelfama lakk.01/2014 kwt-11(1-5)-bakka daandii cirrachaa SWGDB jiru qofa irraa sassaabama.

    8.Maallaqni Fandiichaa Akkamiin Baasii Ta’aa? Labsii kwt-10

• Herrega fandii irraa maallaqni bahii ta’ee kan kaffalamu bu’uura sagantaa hojii waggaa Boordiin Naannoo raggaasiiseen hojiiwwaan raawwatamaniif, meeshaalee bitamanii fi tajaajiloota kennamaniif ta’a fi
• Lakkoofsi herreggaa baasii Godinaalee irratti banuun hojiirra oola, qajeelfama-12(6).

   9.Qaamoleen Bulchiinsa Fandichaa Eenyuu fadhaa? Labsii kwt-11(1) fi Dambii kwt-11-12

       I. Boordii Fandii Daandii Sadarkaa naannoo,

      II. Boordii Gorsitootaa Sadarkaa Godinaa fi

     III. Boordii Gorsitootaa Sadarkaa Aanaa.

  10. Sirna Odiitii Fandii daandii Naannoo:- labsii kwt-16(1-3) fi Qajeelfama fandii -kwt-16(1-4)

       1) Herregni Fandichaa mana hojii Odiitara Muummichaa Oromiyaa yookiin Odiitara alaa manni hojii Oditara Muummichaa yookiin Boordiin bakka buuseen qoratamuu ni danda’a.

       2) Herregichi kan qoratamu akka biyyaatti sirnaa fi hojiiwwan qo rannoo herrega fudhatamum maa qabuun ta’ee, gabaasni odiitii Boordiif ni dhiyaata.

       3) Akkaataa barbaachisummaa isaatti hojiiwwan Fandichaan raawwataman irratti qorannoon teekiniikaa ni raawwatama.  

       4) Biiroon hojii guyyaa guyyaa ilaalchisee odiitara keessaatiin odiitii akka ta’u ni taasisa; argannoo isaa kurmaanatti yookiin waggaatti Boordiif gabaasa ni dhiyeessa

Daayirektoreetii Bulchiinsa Fandii Daandiiwwan Naannoo Oromiyaa